தூக்கு தண்டனை கூண்டு!

சமீபத்தில் நண்பர்களுடன் ராமேஸ்வரம், கன்னியாகுமரி போன்ற இடங்களுக்கு சென்று வந்தேன். அப்பொழுது, பத்மநாபபுரம் அரண்மனை செல்ல நேரிட்டது! சுமார் 5.5 ஏக்கர் நிலபரப்பில் ஒரு பிரமாண்டம்! அதில் சுமார் 3.5 ஏக்கர் நிலபரப்பில் அரண்மனை கட்டிடங்களே இருந்தது அதன் இன்னொரு சிறப்பம்சம்! இப்படி மெய்சிலிர்த்த வேலையில் இன்னொரு தகவலை அறிந்து சற்று மிரண்டே போனேன்!

தூக்கு தண்டனை கூண்டு(Capital Punishment Cage): 

இந்த புகைப்படத்தை பார்த்தால் தூக்கு தண்டனையா? என்று யோசிக்கலாம். ஆனால், அதன் பெயர் அப்படி தான் எழுதபட்டிருந்தது. விசாரித்த போதும் அதே பதில் தான்!

கொள்ளையர்கள், கயவர்கள், கொலையாளிகளை தண்டிக்க அன்றிருந்த மன்னரால் அமைக்கப்பட்ட கூடு தான் இது. இதன் மூலம் தண்டிக்கபடும் முறை மிகவும் கொடியது.

குற்றவாளிகளின் உடைகளை அவிழ்த்து, இந்த கூட்டில் இறுக்கி அடைக்கப்படுவார்கள். இந்த கூட்டை விட்டு வெளி வர முடியாத அளவுக்கு பூட்டுகளால் நன்கு அடைக்கபட்டிருக்கும்! இப்படி பூட்டிய குற்றவாளிகளை கள்வந்தட்டு என்னும் இடத்தில சென்று,மரங்களில் தொங்க விட்டு வந்துவிடுவார்கள்! 

அப்புறம் என்ன? புழு, காக்கா முதல் அணைத்து விலங்குகளின் பசிக்கு இரையாக வேண்டியது தான்! இப்படி துடிக்க துடிக்க சித்ரவதை செய்து தண்டனையை நிறைவேற்றுவார்கள்!


இன்றைய சூழலில், இப்படி பட்ட தண்டனைகளை கொண்டு வந்தால் எப்படி இருக்கும்????